المنافسه في الحب, ادخل ... اقرا ... ركز ... افهم ... رد عليا

بصو الموضوع دة كدة غاص من عنى جيه على بالى
وغاصب من عنكم حتقروه المنافسه في الحب, ادخل ... اقرا ... ركز ... افهم ... رد عليا 22

المهم ركزوا معايا وتعالى اقولكم على الى بفكر فية

الشباب بس يجي النحيادي والبنات تيجي النحيادي عشان اللبش واللي فاتح بروفايل زميلته والنبي وبيكتب كومنت ولا بيبعتلها رساله خاصه مش وقته وانبي عشان انا داخل خمس دقايق اقول كلمتين وامشي علي طول محبكتش بقي و خلونا نطلع من هنا علي خير

---------

قاعد بتسمع عمرو دياب ؟؟

وليا مين انا غير حبيبي ومش حقوله غير يا حبيبي ده اغلي من عنيا ده اللي بتمناه ؟؟

وانت برضه شكلك بتسمع عمرو

قالوا ياما ان القمر عالي وبعيد والملايكه مستحيل تلمسها ايد وانا الليلادي كل ده في اديا يمكن اكون في الدنيا دي انا الوحيد

وشايف واحد دموعه في عنيه
بتسمع كاظم الساهر ؟؟

اشكي للزمن رقة احاسيس اشكي لوعتي وصبري واتحدي الندم لو يقدر يعيش لحظة واحده من عمري

واللي بيسمع تامر حسني

حبيبي .. انا قلبي واجعني ... انت عامل فيا ايه انت ساحرلي ولا ايه .. ما كل الناس بتقدر تنسي .. تنسي .. طب انا مش قادر انساك ليه
ارجعلي انا قلبي معاك مش قادر انسي هواك يا حبيبي يا احلي ملاك يا روح الروح
عندي امل كلي امل اشوفك تاني في حضني وايه العمل ايه العمل ارجعلي تاني وخدني
انا تعبان من غيرك اسمعني وراضي ضميرك لو عادي تسيبني لغيرك انا والله اموت
انا تعباااان ... اسمعني .. ااااااااه
ساكت ليه حتعمل ايه يامالك روحي وامري .. شفت حصلي عشانك ايه فرحني لو يوم في عمري
فين ايام ليالينا والفرحة اللي في عنينا لما بنكون لوحدينا ودايبين في غرام
انا تعباتن من غيرك اسمعني وراضي ضميرك لو عادي تسيبني لغيرك انا والله امووووووت

--- معلش انا طولت في اغنيه تامر عشان بقي انا اللي كنت بسمعها ---
المهم اللي عايز اكلمكم فيه ان كل واحد فينا عايش قصة حب
سواء بنت
سواء ولد
سواء القصه دي متبادله من الطرفين
او من طرف واحد
او من غير طرف خالص واانك عايش في قصة حب مع نفسك كده من غير شخص معين تحبه ودول بقي العالم اللامؤاخذه اللي مخهم مهوي حبتين

حنستثني طبعا الاخوة عديمي الطرف واللي عايشين مع نفسهم ودول لان مشكلتهم مش حتتحل لان مشكلتهم هي نفسهم ومن الاساس دول لا بيحبوا ولا بيعرفوا يحبوا ومعظمهم قلبهم جامد وساعة ما يلاقوا حد يحبهم بجد بيورولوا السواد اللي مشافوش طول عمره ودول عموماً مش موضوعي انهارده

وحيبقالنا نوعين

النوع ابو طرفين
والنوع ابو طرف واحد

نشتغل الاول علي ابو طرف
ونخلي ابو طرفين في الاخر عشان دول شغلانه عايزة شوية كلام وحركات وحتاخد وقت مننا

--------------------

النوع ابو طرف

طبعا دول اغلبيتهم بتوع كاظم يا مستبدة وفؤاد مش حبيبة حد فينا واكيد اكيد هاني شاكر ملك النكد ومصطفي كامل شبورة الغمقان والبرنس الساطع حديثاً في سماء الاغنية الكئيبة تامر عاشور

انا بصراحة معاهم وحاسس بيهم ودول اكتر ناس حساسين في الدنيا
لان اللي يحب حد بدون مقابل ويفضل عايش علي امل بيني وبينكم كده دي اسمي مشاعر ممكن يحس بيها انسان

بس ممكن اخد من وقتك ثواني واستوقف تفكيرك ؟؟

لو انت بتحب بنت وهي مش حاسة بيك صدقني دي مش مشكلة لان بجد لو قدرت انك تثبتلها حبك ده صدقني حتتجاوب معاك وحتحبك واكتر منتا بتحبها او علي الاقل يا سيدي حتشيلك جواها مشاعر جميلة وتفتكرك طول عمرها بس انت حاول ومتتكسفش وريلها انت بتحبها قد ايه .. امشي وراها .. غنيلها ... اقعد قدامها وسبلها ... عيطلها .. اعمل اي حاجه المهم بجد خليها تحس بحبك ده ومتكبتش نفسك
لانك كده صدقني بتخرج نفسك خارج المنافسه
وهو ده اللي انا عايز اتكلم عنه
المنافسة في الحب
هي قدامها الاختيارات كتير
اللي راكب عربية كويسه وشيك ومريش وجان وجنتل ... ده معاك في المنافسه
الشاب الجدع الشهم ابن البلد اللي حيعرف يصونها ازاي ... برده معاك في المنافسه
المثقف الفاهم المتعلم الطموح اللي ليه مستقبل .... برده معاك في المنافسه
وابن خالتها اللي جاي من الكويت وعامله قرشين وامه عماله تزن علي امها ... برده معاك في المنافسه

وانت كل اللي بتعمله انك سايب نفسك بره دايرة المنافسه وعايش مع نفسك تديها اغاني بليل ودموع واهات
طب منت كده صدقني اوت
خش انت كمان المنافسه بحبك ليها ومشاعرك اللي حاسسها ناحيتها
حبتك او محبتكش مش مهم
المهم انك جوه الدايرة
واحتمال كبير انك انت اللي تكسب
لان البنت بتميل اكتر للي بيحبها ده لو حست فعلاً انك بتحبها مش كلام وبخ وفتح حكاوي وفض مجالس

وصدقني حترتاح اوي لما تقولها علي كل حاجه
اقف قدامها وحط عينك في عنيها وقولها بحبك
وزي ما بقولك دايما
اوعي تسيب نفسك بره المنافسه
خليك جوه الدايرة
خليك جوه الدايرة
خليك جوه الدايرة

لكن طبعا لو البنت اللي انت بتحبها دي بتحب حد تاني .. انسي كل اللي قلتلك عليه .. ولو حسيت لحظة انك قربت حتي من الدايرة انا عايزك تاخد بعضك جري جررررررررررررري
وطبعاً مش حوصيك انه مالوش لازمة تامر عاشور ولا مصطفي كامل والنسيان هو الحل الامثل والاوحد صدقني بالنسبالك
لانك كده خارج المنافسه يعني خارج المنافسه

كده الجزء ابو طرف انا وصلتله اللي انا عايزه علي قد فهمي ويارب يكون فهمه من فهمي

نخش بقي علي ابو طرفين

ودول بقي حكايتهم حكايه

خلصت فيك الكلام --- ادي الملاك البريء --- تملي معاك --- عنيا بتحبك --- الله يباركلي فيك --- سهرني الشوق --- لمستك نسيت الحياه --- اخاف ليه --- في اول الحكايات --- الخ الخ

نمسك الولد الاول

انت طبعا عارف انها بتحبك .. صح ؟؟
بتموت فيك .. بتعشقك .. بتنام علي صوتك وتصحي عليه ومبتقدرش تتصرف في حاجه من غيرك ومبتتخيلش حياتها ثانيه من غيرك

حلو اوي

وطبعا انت بقي ايه مش حتقولي

فارس عصرك واوانك
فاكر نفسك مفيش غيرك انت اتمكنت منها وخلاص علي كده
عملت الشويتين بتوعك
قلتلها اللي عندك
وقعتها فيك
وخلاص حسيت انها ملكك
بيع واشتري بقي يا معلم

اوامر علي الفاضيه والمليانه .. شخط ونطر وزعيق علي اقل حاجه ... اعتراضات واسقاطات ومهاترات ... تختار لبسها تختار شغلها تختار حتي تمشي ازاي
وتقعد تعدل في كل حاجه فيها وتعدل وتعدل
لغايه ما تخليها واحده تانيه غير اللي انت حبتها اساساً وتمشيها عالعجين متلخبطوش
لدرجة اني بستعجب فعلا من اللي بيعملوا كده
لما انت مكنش عاجبك فيها اي حاجه وخلتها تغير نفسها بالصورة دي
انت بقي كنت حبيت فيها ايه من الاول ؟

ولا انت خلاص علشان هي حبتك وبتسمع كلامك سواء مقتنعه بيه او عشان خاطر متزعلكش تقوم تمارس هواية الراجل الشرقي المحببه في تمييل العدل والاعتراض علي كل حاجه وتحسسها انها ساعة ما عرفتها كانت رقاصه وانك انت اللي انتشلتها من الوسط الزباله اللي كانت عايشه فيه

انبي يا شيخ تروح تتنيل

انا عارف ان السينما والافلام الهابطة بوظتلكم دماغكم
ماهو كل فيلم يطلع البطل بيحب البطله فيه لازم يكون المنافس الوحيد ليه ابن خالتها الاهبل مسخرة الفيلم اللي بنتريق عليه احنا طول الفيلم والبطل هاريله افاه
يا اما يكون البطل امور وكويس بس دمه تقيل وغتيت وماسك شركات ابو البطلة ودايماً يبقي طمعان في الثروة ويطلع حرامي في الاخر ويدخل السجن ويعيش البطل والبطله الطيبين في امان

بس الكلام ده مبيحصلش في الحقيقه خالص علي فكره

في الحقيقه حبيبتك بتروح الجامعه وبتشوف زميلتها اللي حبيبها بيعاملها كويس
في الحقيقه بتروح شغلها وبتشوف الراجل اللي بيحب مراته بجد وبيعاملها كويس وبيثق فيها
في الحقيقه بيكون ليها ابن عم ابن خاله مثق محترم وابن ناس واحسن منك ماديا واجتماعيا وبحكم القرابة وبيحبها وشاريها وحيعاملها احسن معامله وحيراعي ربنا فيها

فبلاش بغباوتك تضيعها من ايدك وتخليها تبص لده او لده او لده ولا حتي تديها مساحة تفكر فيها
سيطر عليها بحبك
حسسها بثقتك فيها
حافظ علي رأيها وكيانها
حاسب علي مشاعرها وحسسها بقربك طمنها عليك وعليها وعلي مستقبلكم

انت ربنا كرمك وخلاك انت لوحدك في قلبها وعقلها في دايرة مقفولة عليك
ليه بتخلي ناس تانيه تخش معاك وتنافسك
والدايرة توسع
والمنافسه تزيد
وبعد ما كنت المنافس والفارس الوحيد
حتبقي بقدرة قادر مطرود من حياتها وحيحل مكانك واحد تاني قدرها بجد وفهمها وبيحبها
اكتر منك بيحبها .. احسن منك بيحبها .. او علي الاقل خالص ولو انت مسيطر عليها اوي .. حبها ليك حيقل وصدقني حيجي يوم وتكرهك

بالنسبه للبنات كلامي مش حيختلف كتير
فكري بنفس المنطق اللي اتكلمت بيه مع الشباب
وشوفي انتي بتعملي ايه صح
وايه غلط
ايه بيحافظ علي حبه ليكي
وايه بيدخل ناس تانيه معاكي في المنافسه

-------------------------------------------

يا شباب انا اسف طولت عليكم واكيد كلامي مش لكل واحد فيكم .. انا عارف ان في ناس كويسه اوي وعارفه يعني ايه تحب وازاي تحب وازاي تحافظ علي ده الحب

فياريت اللي يحس كلامي اللي قلته
يراجع نفسه
افتكر انت زعلتها اخر مره ليه
وروح صالحها
واوعدها انك مش حتزعلها تاني
اتناقش معاها واتكلم
واعترف بذكائها
حافظ علي شخصيتها
انسي سي السيد

سي السيد كان زمان ايام مكنش في منافسه

دلوقتي المنافسه جامده جدااااااااااااااااااااااا واللعب كله عالمكشوف

حاول بجد تحافظ علي مكانتك في قلبها وخليك انت المنافس الوحيد

وسلامو عليكو المنافسه في الحب, ادخل ... اقرا ... ركز ... افهم ... رد عليا 22

3essaaaaaaaaam

ههههههههههههههههههههههههههههههه
موضوع تحفه والله ياااااااااااااااااااام ويموت من الضحك

وياريت كل واحد يقدر يعمل بالنصايح اللى انت قلتها دى ويحافظ على حبه بقدر المستطاع

ميرسى ليك ياعصام

فكرتني باسامة منـــــــــــــــــــــــــــــــــــــــــــــــــــــــــــــــــــــــــــــــــر fm :lol: :lol:

علي فكرة برشحك تتولي اذاعة منتدي احلامنا في القسم ده،،، :D

اكييييييييييييييييييييييييييييد انتوا معايا برده في رايي ده؟؟؟؟؟؟ Question

ولا ايه؟

بس عندي ملاحظة يا عصام.................بختلف معاك في شئ!!!

قبل ما اقولها عايز اعرف رايك في حاجة؟

لو فيه طفل صغير ميعرفش اي حاجة في اي حاجة..................اوك Rolling Eyes

وقدامه بحــــــــــــــــــــــــــــر كبير امواجه جميلة رووووووووووووعة وهادية sunny

بس مش ثابتة بتقلب دايما مع العواصف.................. :evil:

يعني حلو وكذاب ..................علي راي عبد الحليم حافظ :lol: :lol:

ايه رايك؟ Question

ترضي يرمي نفسه بدون مقدمات في البحر...................؟

هااه مقلتش رايك؟ Question

النوع الاول اللي هوه عديم الطرف اللي انت وصفتهم انهم مع نفسهم ومش هيحبوا و....................الخ

عاملين زي الطفل بالظبط يخاف ينزل البحر ليغرق>>>>>>>>>>>

دول اما حاجة من الثلاثة:_

1-اما حبوا وفشلوا وخايفين يحبوا تاني.

2-اما من النوع التقليدي اللي مقتنعين بفكرة الجوازالعادي(جواز الصالونات) يبقي مفيش داعي للمجازفات.......................

3-ياما بقي _ ودي اللي منتشرة_ مش لاقين حد مناسب لحد دلوقتي يستاهل تضحيتهم ومجازفتهم.

مش معني كده انهم صح؟

بس برده مش معناه انهم غلط............ Exclamation

كل واحد شايف نفسه في شئ معين .................. فبلاش نطلمهم

اما بقيت النصايح بقي حلووووووووووووووة اوي

صدقني فكر في الموضوع ........ :lol: :lol:

تمسك بدل اسامة منير........ 8)

مرسى جدا ليكم ياجماعه

مرسى ياسارة انتى ودعاء بس ياريت يكون الموضوع عجبكم بجد

ارد بقى على سؤال دعاء

بصى ياستى اولا انتى سؤالك متناقض يعنى ازاى البحر هيكون امواجه جميله وروعه وهادئه

وازاى هتكون مش ثابته هتتقلب مع العواصف

الطبيعى ده مش بيحصل فى نفس الوقت بس برده هرد على سؤالك

اولا هوة طفل وميعرفش حاجه والطبيعى انى لو هوة بيحب البحر اكيد هيرمى نفسه فيه بدون مقدمات بس انا طبعا مرداش ده وده ردى على سؤالك المفروض يفكر كويس وبعدين يشوف اذا كان اد البحر فى الوقت ده ولا لاء

وطبعا الحب الى من طرف واحد ده مش صعب اوى كده المفروض انت بتحب واحده او انتى بتحبى واحد ومش عارفه حقيقه مشاعرة من نحيتك المفروض تحاولى تخليه ياخد باله من الموضوع ده يمكن البنات بتبقى فيها احراج شويه للبنت وكده بس الولاد اكتر المفروض يعملوا ده بس ده مش معناه انى البنت متعملش عشان لو قدرت تثبتلها حبك ده اكيد هتتجاوب معاك

وكن الصعب اساسا انى الواحد يلاقى انسانه بيحبه ويخاف عليه

وانا كتبت فى الموضوع انك المفروض تدخل جوة الدايرة

وبعنى انت فى معركه حب ولازم تبقى جوة المنافسه دى دا لو انت بتحبها بجد هتستحمل المنافسه للاخر وان شاء الله عشان بتحبها يبقى اكبد هتفوز

السؤال التانى بقى

مين فى الدنبا دى اساسا يقدر يبقى مكان حبيب قلبى سمسم منير

انتى بتحلمى ولا ايه

لا طبعا مفيش غير اسامه منير واحد بس فى الدنيا كلها

بس الظاهر انك عاطفيه جدا عشان كده بتحبى تسمعى سمسم

مرسى جدا على مشاركتم موضوعى

اسف لو كنت طولت عليكم

3essaaaaaaam

بجد ياعصام موضوع تحفه
وانا مع دعاء
بلاش ياسيدى تبقى اسامه منير
خليك عصام منير
كلهم اذاعيين
بصراحه موضوع جميل جدا
وكلامه بسيط اوى
وفعلا اللى يلاقى الحب فى زمانا ده لازم يمسك فيه بكل قوته ويحافظ عليه للنهايه
مش كل يوم حد بيلاقى حبيب بجد يحبه ويخاف عليه ولو ضاع منه يرجع يبكى على الاطلال
الحب بقى عمله نادره دلوقتى
يمكن علشان الظروف بقت صعبه والدنيا بتتغير
او يمكن علشان القلوب نفسها بقت بتتغير
بس اكيد وسط كل دول الحب موجود
واكيد اللى مفيش فى حياته حبيب او حبيبه اللى هما النوع الاول بيتمنوا بجد يلاقوا الحب الحقيقى اللى يلاقوا فيه نفسهم وكيانهم ومشاعرهم
سورى طولت عليكم
ميرسى ياعصااااااااااااااااااام

مرسى ليكى جدا ياسحورة

وان شاء الله افكر فى موضوع عصام منير ده

هههههههههههههههه

يارب يكون الموضوع عجبكم بجد

3essaaaaaam