هعيش عمرى ليك اللى راح واللى جاى

عشت كل يوم من عمرى اتمناك
ولو طال بيا عمرى هيبقى حلمى اكون معاك
ومهما كنت بعيد عليك تكفينى نظرة عنيك .. بهواك
..................
قلت اكمل عهد اقسمت بيه على الزمن
قلت هنسى جرح قلبى ومسيره يدفع التمن
جتنى انت بنظرة منك شفيت غليلى وصحيت الشجن
.................
عاوز اقولك كلمه حلوه بس خايف تنساها
عاوز اخبى عنك دمعى بس عارفك هتلقاها
من زمان سالت نفسى لو لقيتها يوم تقدر تهواها
خفت على قلبى الدموع اصل جوابى من غير رجوع
وقلت اسكت من غير جواب دموع عينى تكفاها
...........................
يانسيم الحب فينك محتاج لقربك من زمان
محتاج لنسمه منك حتى لو اغير المكان
نفسى القى الحب فيك واحس بيك طعم الحنان
حبيت جميل النور منه مابصدق انه انسان
والغريبه فيه انه حزين بس عليه ضحكه جنان
..................
عاشق ومن فرحتى قلمى بيكتب ذهبيات
مش مغرور بس فرحان .. حبيت وكنت
من زمان او من قريب كنت عايش زى اللى مات
دعوة امى طهرت قلبى حبيت بجد اصل دعوتها بركات
قلتلى دعتلك بالمحبه والصبر ولو قابلك الشر قله سلامات
.......................
عشقت فيكى كل الهنا لما لمسته فيك
ولمحت نور الدنيا لما شوفت عنيك
عارفه احلى شىء فى الدنيا ليه ايه
انى مهما عشت او هعيش كل عمرى هعيشه ليك
.................
هعيش عمرى ليك اللى راح واللى جاى 18

( ب.... ح .....ب.......ك.....) هعيش عمرى ليك اللى راح واللى جاى 13

3essaaaaaaaaaaaaaaaaam

ياااااااااااااه على الاحساس ياعصام

كلمات اكتر من رائعه الله يخليك يارب

شكرا ياباشا

وسلااااااااااااام

________

مرسى ليكى جدا ياسما والله مش عارف اقوللك ايه

وبجد متزعليش منى انا كده همل من المنتدى ده انا بكتب مواضيع ومفيش حتى اى حد بيرد عليا فيها

فين الاعضاء وفى المواضيع اللى بيكتبوها الاعضاء وفين الردود كده بجد

المنتدى لو فضل بالشكل ده مش هيكبر ابدا

معلش لو كان كلامى بيدايق حد بس هوة الحقيقه

وعلى فكرة لو فضل الموضوع كده بجد مش هتشجع انى اجيب مواضيع جديده

ربنا يوفقنا يارب فى المنتدى ده

3essaaaaaam

والله انت عندق حق ياعصام

بس انا صحابى وزميلى فى المدينه ومش بيرجعو غير خميس وجمعه ومش بيدخلو نت كتير او يادوب بيكلموا اصحابهم وكدا

وكمان فى ناس النت باظ عندهم زى محمد الامور

بص ياعصام

انا مقدرش اوعدك ان حد يدخل

اللى اقدر اقوله انى انا والله بعمل اللى ربنا يقدرنى عليه عشان اكبر المنتدى

وعايزا امساعدتكم طبعا

بس بالاسلوب دا مش هينفع ابدا

شكرا للاهتمام ياجميل

وسلاااااااااااااام

___________

ايه ياعصام الحاجات الحلوه دى

عشقت فيكى كل الهنا لما لمسته فيك
ولمحت نور الدنيا لما شوفت عنيك
عارفه احلى شىء فى الدنيا ليه ايه
انى مهما عشت او هعيش كل عمرى هعيشه ليك

جميل اوى ياعصام

ياااااااه يابطوطه بتفكرينى بالذى مضى

بس الحمد لله انى الموضوع عجبكم

ومرسى جدااا ليكوا على المشاركه

3essaaaaam

» فزورة مالهاش حل اللى يحلها ليه هديه اللى يطلبها؟اوك
» انا طول عمرى عايش مخدوع
» قول فنانك المفضل واللى بعدك يغنى اغنيه ليه
» اختار ثلاثه اعضاء واللى بعدك يختار اسم عضو منهم
» ايه اللى مش عاجبك؟؟