بين الشباب والبنات ..... ادخل اسأل .... ادخ-لى اسألى

مساء الخير شبابنا

معايا موضوع حيوى بين الشباب والبنات

الفكرة كلها ان ولد يسأل سؤال للبنات

والبنت اللى ترد تسأل سؤال للولاد

وهكذا يمشى الموضوع

ونشوف وجهة نظر كل واحد فى اسئلة غيره

بس يا ريت تكون الاسئلة فى حدود الاحترام

وانا ببدء

ايه شعور البنات لو واحد عاكسها وايه رد فعلها ؟

سلاموووووووووووووووووز بين الشباب والبنات ..... ادخل اسأل .... ادخ-لى اسألى 12

بين الشباب والبنات ..... ادخل اسأل .... ادخ-لى اسألى 12

3essaaaaaaaaaaaam

عادى يابنى ولا كان اى حاجه بتحصل

Take it easy

لحد اما يزهق

انتوا بقا ايه اللى الموقف اللى لو شفته تموت على روحك من الضحك (بشرط يكون الموقف دا من بنت)

شكرا ياعصام على الموضوع

سلاموزا

_____

سمسمه اولا ازيك ياجميل

بصى بقى الموقف اللى موتنى من الضحك على بنت على ما افتكر يعنى

فى يوم بعد مخلصت الكليه وانتى طبعا عارفه انى الكليه بتاعتنا سواريه يعنى مخلصين متاخر ومروح كانت تقريبا بعد العشا المهم

فميش طبعا حد بيبقى ماشى فى الجامعه اد كده المهم لقيت بنتين ماشين كده لوحدهم

وبيغنوا مش فاكر لمين بس تقريبا تقريبا لحماقى وكانوا بيغنوا بقى بصوت عالى جدا ومش غنى عادى لا كانوا شفتى لما تغنى مع نفسك كده وانتى نازله من على السلم او بتغنى لمغنى بس بصوت غريب زى البغبغان مثلا ههههههههههه

المهم هما مش شافونى كان معايا واحد المهم طبعا انا بموت فى حماقى فمشيت اغنى معاهم ههههههههههه وهما شافونى قالوا عفريت الجامعه ضلمه بس اتكسفوا اوى على صوتهم الزباله طبعا ومشينا طول الطريق نغنى سوا بس ساعتها الخضه والكسفه بتاعتهم انا مكنتش قادر امسك نفسى من كتر الضحك بس كان موقف جااااااااامد

السؤال بقى للبنات طبعا

( ايه شعورك لما تكونى بتحبى واحد وهوة كمان بيحبك وعشتوا فترة طويله مع بعض واتضحلك فى الاخر انه كان بيتسلى بيكى مش كان واخد الموضوع جد )

اسف على الرخامه وشكلى هقلب المواجع

ههههههههههه

3essaaaaaaaam

والله لو كان اتضح انه بيتسلى يبقا اقوله انا اسفه على تضييع وقتك معايا

ولو كانت الظروف هى اللى حكمت علينا بكدا هقف معاه لحد اما الظروف دى تتحسن

والسؤال ليكم بقا ياولاد

ازاى تعرفوا ان النبت الفلانيه بتحبك او معجبه بيك .

سلاموزا

_______

بصى هيه بتتعرف والله من بصه من ضحكه على حاجه قلتها

من نظرة عنيها ليه مثلا

بس البنات فضحيين اوى بيتعرفوا على طول

المهم السؤال بقى

( ليه معظم علاقات البنات بتبقى من ورا اهلها يعنى مثلا لو بنت مع حبيبها وبعدين لقت اخوها مثلا بتبقى مشكله بالنسبالها وتجرى والكلام اللى بنسمعه ده )

اساله رخمه بس نفسى افهمها

3essaaaaaaaaaaaaam

انا بقا مش بحب الحكايه دى

زى المثل اللى بيقول (هو اللى بيزمر بيخبى دقنه ؟؟)

انا بعمل حاجه طالما مقتنعه انها مش غلط يبقا مخفشى من اى حد

لكن لو بخاف حد يشوفنى يبقا اكيد هى غلط ومش اعملها

بس تعرف اعتقد انه لان اهلنا فى بيوتنا ميعرفوش حاه اسمها ان واحده بتحب واحد وبيتقابلوا والكلام دا

يعرفوا بيحبنى وعايزنى ييجى يتقدم ويدخل البيت من بابه

لكن اللف والدوران دا مش يعرفوه

وهقولك على حاجه لان دا الاكيييييد عمر ما فى ولد بيمشى مع بنت ويتجوزها ابسط حاجه مش هيبقا واثق فيها

وسؤالى :

ليه دايما شايفين وتقولوا احنا واحنا وانتوا فى بيوتكم متعرفوش تخدو قرار يخصكم ؟

____________

مين قالك كده ياسما مين قالك اننا مش بنعرف ناخد قرارات تخصنا

بصى هوة يمكن فيه بعض منا كده

بس انا اتكلم عن نفسى انا طول حياتى باخد قراراتى لوحدى وبالخصوص القرارات الى تخصنى

واكيد انتى اكتر واحده تعرفى ده عنى

وانا عمرى مكنت بتاع كلام وبس انا ممكن شويه خيالى بس واقعى اكتر واللى بقوله بنفذه والحمد لله مش باخد وقت طويل فى التفكير

سؤالى بقى ليكم

(ليه البنت لما تحب واحد بتغير عليه اوى والغيرة دى ممكن توصل معاه لانها تخسرة وليه دايما البنت بتغير اكتر من الولد )

3essaaaaaaaam

وبعدين فيه حاجه فين بقيه الاعضاء مفيش حد بيشارك معانا ليه

هوة مفيش غيرى انا وسما ولا ايه

ياجماعه مينفعش كده احنا لو فضلنا كده المنتدى كده عمرة مهيتطور

وبعدين احنا نفسنا يبقى احلى منتدى مش ده كلامكوا برده

ياريت ياجماعه تشاركوا وتقولوا رايكوا

انا مش بتكلم عشان الموضوع موضوعى لا والله ابدا بس بدخل مواضيع الاقى فيها مشاهدات كتيرة ومفيش حد بيشارك برايه ولا بيرد على الموضيع ده

3essaaaaaaaaaaaam

عشان مهام كان ابنت محدوده فى تعاملاتها وفى خروجتها وفى كل حاجه بتعملها

غير الولد اللى ليه الحريه انه يعمل اى حاجه فى اى وقت

وبكدا بتبقا فى مجال انه ممكن يعمل اى حاجه تزعل البنت دى

واما يحس انه فى حد بيحبه وبيخاف عليه وبيغير عليه ممكن يفكر قبيل اما يعمل حاجه تزعلها

بس برده فى حدود للغيره مش الغيره اللى تقتل وتموت دى

وسؤالى :

انت مش بتغير على الانسانه اللى بتحبها ؟

__________________

بصى انا من نحيه الغيرة فبغير جداااااااااا بس فى حدود والله

وفى بغير غيرة بعقل مش بجنون

بس هيه بتقولى انا عيبى الغيرة انا ممكن اغير عليك من نفسى ومن صحابك حتى

بس ساعات بصراحه الغيرة دى بتخنقنى جداا

بس ان كان عليا انا اه بغير بس مش زي ما هيه بتغير عليا هيه مجنونه باغيرة

سؤالى بقى

لو انتى بتحبى انسان جداااااا وانتى متعرفيش شعورة ايه من نحيتك

اولا : بتعملى ايه عشان تعرفى اذا كان هوة كمان بيحبك ولا لاء

ثانيا : اذا معرفتيش هوة بيحبك ولا لاء ممكن تواجهيه بحبك وتقوليله انك بتحبيه مع انك ما اتكلمتيش معاه قبل كده

3essaaaaaaam

والله انا محتاره

بس اعتقد مفيش بنت هتحب ولد الا اذا كانت حست منه هو كدا فى تعالملتها معاه

يعنى مش ممكن تكون متعرفوش ا متكلمتش معاه

لازم يكون بينهم تعاملات عشان تعجب بحاجه فيه

وعلى هذاالاساس تحبه

ممممممممممممممممم

سؤلى بقا .......

بتحب تخرج مع صحابك ولا تقعد فى البيت مع اهلك ؟؟

_____________

بصى انا مش هقوللك بحب حاجه اكتر من التانيه

بس انا بعشق الخروج جدااااااااا

وبحب الاعده فى البيت جدااااااا بسبب انى انا علاقتى باهلى فى البيت علاقه صداقه مش مجرد ابن وبس لا دى علاقه صديق بصديق يعنى مش تعاملات الاهل بقى اللى معظمها بتخنق وبتخلى الواحد كاره الاعده فى البيت

السؤال بقى

هتقدمى ايه لحبيبك فى الفلانتين اللى جاى

وكل سنه وانتوا طيبين

3essaaaam

بين الشباب والبنات ..... ادخل اسأل .... ادخ-لى اسألى 5000d2db63

وانت هتقدم ايه؟

انا قدمت حاجات بس مش هدايا ولا شرط انه يكون هدايا معنويه

بس بجد كان احلى يوم فى حياتى

السؤال اللى جاى بقى

انت ايه علاقتك مع ربنا عاطيلو حقه وبتخاف على زعله زى مبتخاف على زعل حبيبتك ؟

السؤال محرج شويه معلش

3essaaaaaam

ايه انت وهى مافيش غيركم فى المنتدى ده.؟؟؟؟؟؟؟؟؟؟؟؟؟؟؟؟؟؟؟؟

كويس انى جيت ارد
منوره طبعا؟
انت ايه علاقتك مع ربنا عاطيلو حقه وبتخاف على زعله زى مبتخاف على زعل حبيبتك ؟
ارد بقى؟
اولا السؤال ده مش محرج ولا حاجهوالاجابه :-
ايوه الحمد لله بحاول على اد مااقدر ارضى ربنا واخاف على زعله جامد وربنا معانا يهدينا

السؤال بقى؟

ليك كام علاقه مع كام بنت؟؟؟؟؟؟؟

اظن بقى مافيش رخامه اكتر من كده

ميرسى ياعصام عالفكره الحلوة دى

بصى انا مش فاهم سؤالك ده بس اقوللك على حاجه انا ليا علاقات كتيرة بس مش كلها حبيب وحبيبه طبعا

مثلا زى انا وانتى مثلا علاقه اصدقاء واخوات وزمايل وفى حدود الاحترام وفيه كمان علاقات مع بنات كتير بس بنفس الطريقه دى

السؤال بقى

انتى ليه داخله شمال كده باسئله رخمه من الاول ؟؟؟؟

ههههههههه

معلش ياسرسورة بهزر معاكى

3essaaaaam

هههههههههههههههههههه
لاء هزر براحتك يا ااااااااااااااااااام
بس ليه الثقه دى ان سرسوره هى اللى هترد بعدك؟؟؟؟؟؟؟؟؟؟؟؟؟؟؟؟

اقوللك ليه الثقه

اولا انتى جديده معانا ولازم لما تدخلى هتدورى على المواضيع اللى كنتى داخلاها وهتشوفى اللى بعدك قال عليكى ايه

ثانيا : السؤال اساسا موجه ليكى انتى

بصى هوة السؤال مش عارف اجمعه ازاى

انا هقوللك

لو مثلا انتى بتحبى واحد وفيه عريس اتقدملك واهلك كلهم موافقين عليه جداااااا وعريس كويس ومعاه فلوس ويقدر يعيشك عيشه كويسه جدا واهلك قالولك هوة ده اللى هتتجوزيه واختارولك الماده زى اى اهل مبيتصرفوا طبعا

انتى بقى فى الموقف ده هتتصرفى ازاى وخصوصا انى اللى بتحبيه مش مستعد انه يتقدملك الوقتى عشان معهوش فلوس يتقدملك ؟؟؟؟؟؟؟

هتاخدى براى اهلك وهتفضلى الماده انتى كمان ولا ايه هيكون رد فعلك

ياريت بالتفصيل الممل

معلش سؤال رخم

3essaaaaaaaam

من نحيه سؤال رخم فهو رخم بس انا بحب الرخامه هههههههههههههههه

لو حصل لاقدر الله اكيد ان شاء الله هقدر اقنع اهلى بوجهه نظرى وهما هيقدروا ده
يابنى ماعدش فيه بنات بتتجوز غصب عنها
بس اهم حاجه انى مااخصرش اهلى
والبنت الذكيه هى اللى تعرف ترضى جميع الاتراف يعنى لاتزعل اهلها ولا تغضبهم عليها ولا تضحى باللى بتحبه وبعدين مادام بتحبه يبقى اكيد انسان كويس ومادام بتحبه مقتنعه بيه يبقى هو اهل للثقه وهتقدر تواجه بيه اهلها

بس لو ضاقت بيه وخلاص اهلى قفلت معاهم ان اوافق عالعريس هوافق عشان خاطرهم وعشان مااخسرهمش زاكيد هما شايفين حاجه انا مش شايفاها واكيد هما عارفين مصلحتى اكتر منى وربنا يسامحهم بقى وخلاص لكمان شويه هعيط

ارخم انا بقى؟؟؟؟؟؟؟؟؟

كام مره عاكست بنت فى الشارع او او فى الجامعه؟؟؟؟؟؟
اظن ماتعدش
ههههههههههههههههههه

بصى انى هتكلم عن نفسى

لا والله ياسارة انا عمرى ماعاكست واحد ابدااااا لا فى الشارع ولا فى اى مكان تانى خالص

مش موضوع مفيش حد عجبنى بقى او كده لاء لاء خالص والله

بسم الله ماشاء الله انا بشوف بنات بجد ببقى نفسى اتكلم معاهم هههههههه

بس مش برضى انى اعاكس او ادايق واحده فيهم عشان انا كده

واتعودت على كده واخلاقى متسمحش انى ادايق واحده واسمع منها كلمه مش تعجبنى

متعودتش انى فى يوم اخلى واحده ماشيه كده واقولها زى ما بقيت الولاد بيعاكسوا

عارفه قبل كل حاجه انا بتكسف من خيالى واخلاقى متسمحليش انى اتحط فى موقف زى ده

بس بجد سؤال فيه حبه رخامه

عاوزة تعرفى ليه ؟؟

هههههههههههه

سؤالى بقى

اخر مرة واحد كان بيعاكسك فيها كان بيعاكس بيقول ايه بس بصراحه ؟؟؟

هههههههههههه

رخامه رخامه يعنى

3essaaaaaaaaam

مش ليا السؤال

اوكمش مش هجاوب انا

ممممممممممممممم

عمرك حسيت بالخوف من نفسك؟؟

__________________

هجاوب على سماح ارحملى من سؤالك يا اااااام

الحمد لله مش بخاف من نفسى خالص

السؤااااااااااااااااااال

ايه اكبر صدمه عاطفيه اتعرضتلها؟؟؟؟؟؟؟؟

اما مش عرفت ارضى اهلى او احافظ على حبى وتعبت نفسى وخسرت الطرفين فى الاخر

سؤالى للولاد

شايف نفسك على ايه؟؟

_____________

اولا مينفعش كده انا ليا سؤال متجاوبش عليه
انا مش بوجه السؤال لحد معين انا بوجه للبنات عموما
انا برده مستنى البنات يواجبوا على سؤالى

انا هجاوب على سما بقى

انا مش شايف نفسى ولا حاجه والحمد لله مفيش حد قالى قبل كده انت شايف نفسك
وان كنتى انتى سايفه انى شايف نفسى قوليلى انا سايف نفسى ازاى وفى ايه

سؤالى برده اللى فات ؟

3essaaaaaaaam

ماشى ياصاصا

انا بقا اخر مره اتعاكست اتسرق منى الموبايل

هههههههههههههههههههههههههههههه

ايه بقا اكتر حاجه تفرحك فى يومك ؟؟

_______________

» مقارنه بين الولاد والبنات فى المشاعر ادخل وقول رايك؟؟
» للتخلص تدريجيا من حب الشباب
» صفات الشباب فى الاشهر الهجريه
» كلام الشباب الروش..أحدث المصطلحات..
» ادخل وشوف عام 3000 ؟؟