تعالو نفكر بصوت عالى

عندى فكرة جميلة ... اننا نعمل موضوع نفكر فيه بصوت عالى ونحكي كل حاجة تعبانا في حياتنا ...

**************

احكي كل همومك واكتبها هنا ... فضفض بكل شيء ... ولو أي حاجة مضايقاك أو تعباك برده أكتبها هنا ... ما تشيلش أي حاجة في نفسك ..

ولو بتفكر في حل مشكلة ... برده فكر هنا بصوت عالي .. وان شاء الله هتوصل لحل .. كمان ممكن نساعدك

هتقولوا ما نحبش الناس تعرف احنا بنفكر في ايه ؟؟؟

معاكم حق .. فعلا في حاجات ما ينفعش كل الناس تعرفها ... في الحالة دي أكتب برده ... بس برموز .. صحيح محدش هيفهم حاجة بس المهم انك فاهم انت بتكتب ايه كويس ....

*********************

فيه إحصائية بتقول أن المرض الأخطر في التاريخ هو " القلق " أو بمعنى آخر ( حمل الهموم )

من المعلوم .. ان لو الإنسان مصاب بهم وفضفض بيه لأي إنسان .. بيرتاح بنسبة كبيرة جدا

وفي علم التنمية البشرية :- لما الإنسان يمر بمشكلة ويفضفض بيها لنفسه عن طريق الكتابة أو الخواطر مثلا ... بيوصل لحل المشكلة بسهولة جداااااااااااااااااااااااااااااااااا ...

..:: عرفتوا أد ايه مفيد اننا نفضفض بكل حاجة في حياتنا ؟ ::..

*********************

يلا نبدأ كلنا نفضفض مع بعض .. صحيح في أوقات هنشيل هموم بعض .. لكن هنحس ببعض أكتر وهنقرب من بعض أوىىىىىىىى ... ممكن نبكي مع بعض ... لكن في نفس الوقت هنساعد بعض ... وهنضحك مع بعض ... كل ده هنا في نفس الموضوع

********************
يمكن فيه موضوع مشابه لكدا بس الفرق اننا هنا هنشارك بعضنا كلنا بالآراء والحلول واتمنى من الجميع المشاركة فى الفضفضة والتفكير معانا

********************
ودمتم أحبتى فى خير وسعادة
تقبلوا أرق تحياتى

ملحوظة مهمة

إذا كنت صاحب مشكلة خاصة جدا وتخشى كشفها للناس

ادخل باليوزر التالي

عضو صاحب مشكله

الباص وورد

666666
ست ستات
هههههههه

اكتب مشكلتك وسجل خروج وعاود الدخول بيوزرك الحقيقي

شكرا ياسما موضوع جميل تشكري عليه ويارب يوفقك ديما ويلا شدي حيلك دنت هاتلاقي مشاكل كتير وربنا يوفقك وتحليها
انا عن نفسي مش بعرف اشكي مشاكلي لحد بقعد مع نفسي واكتم في نفسي صيحيح بيطلع علي بدني بس نش مشكله انا اتعودت من صغري علي كدا و سبحان الله

بحل مشاكل كتيره لاصحابي ولاناس كتيره وربنا يوفقك الجميع
مرسي يا سما علي الموضوع الرائع دا
يلا سلام
محمد حسين
ــــــــــــــــــــــــــــــ
نحن لا نختار في العيش من نرتاح معهم بل نختار من لا نستطيع العيش بدونهم

انا عندى مشكلة
مخنوق اوى اوى اوى اوى ومش عارف اعمل ايه

انا تعبان اوى والله

بجد تعبان اوى انا بكتب الرسالة دية ودموعى نازلة من عينى
انا بحب واحدة والله

بحبها بس بتاجى عليا ايام ومش بقدر اكلمها اوى اتصل بيها او اعمل اي حاجة
مش عارف هيا بتصدقنى ولا لأ

بس والله

غصب عنى
مش عارف اقول ايه تانى

لا اله الا الله
انا عارف انى مقلتش حاجة بس مش عارف اقول ايه
بجد مش عارف اقول ايه

يا جماعة حد يقولها دى مفيش بعدها بسأل عليها ازيها وعاملة ايه
لا اله الا الله

اولا ازيك يا .........
مش مهم الاسم
المهم ان انت عضو معانا واخ عزيز علينا
فى ساعات يا جميل بيبقا حاجه اسمها تعود
بمعنى ان كان فى وقت حاجات كتيره بتحصل مثلا بين اتنين
فجأه بيبتدى الحاجات دى تقل تقل تقل لحد ما تنعدم
اكيد الحاجات دى بتاثر على اى علاقه
ممكن تفسر على انها عدم اه او محاوله للهروب منها هى شخصيا
لكن لازم على الطرف التانى انه يستحمل ويحاول يلتمس العزر
لكن برده لامته هيستحمل ولامته هيقول مش مشكله وبدايه جديده؟؟؟؟

شكرا على تواجدك معانا
وكمان فى حاجه لو فى بين اى اتنين مشاكل كتيره اوى
لكل حد فيهم حاجه بتنسيه كل حاجه حصلت
يعنى شوف ايه بيفرحه واعمله شوف ايه بيخليه يسامحك قوله
يعنى حاول تراضسه طريقه
وبشرط انك مترجعشى للى زعله تانى
مش تغلط وترجع وتغلط وترجع
وتبقا دايره فيها الطريقين ولازم نمر بيهم ؟؟

اسفه لو كنت طولت
سلاموزا

سمسمه
موضوعك جميل
ان الانسان يفكر بصوت عالى بيكون افضل من الصمت

مشكلتى انى بحاول باستمرار افكر بصوت عالى
ولكنى لا اسمع صداه
تعبتواريد ان اصرخ بصوت عالى
تعبت بجد مما يحدث لى
شكرا سمسمه