احلامنا

فى حيات كل حد فينا احلامه اللى بيتمنى يحققها بينا نحققها سوا
 
الرئيسيةالبوابةاليوميةس .و .جالتسجيلدخول

شاطر | 
 

 حكاية ميزو وسمسمة .... بجد تفطس من الضحك

اذهب الى الأسفل 
كاتب الموضوعرسالة
3essam
عضو مجتهد
عضو مجتهد
avatar

ذكر
عدد الرسائل : 581
العمر : 29
الوظيفه : mosh shart te3raf
تاريخ التسجيل : 18/10/2007

مُساهمةموضوع: حكاية ميزو وسمسمة .... بجد تفطس من الضحك   الإثنين يناير 21, 2008 12:34 am



حكاية ميزو وسمسمة
لاى واحد بيفكر فى الجواز
~~~ † ~~~
حكايه كل شباب انهارده .. حنشوفها في شخص ميزو الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) !

ميزو ـ تتجوزيني ؟
سمسمه ـ أفندم ؟
ميزو ـ بقولك تتجوزيني ؟
سمسمه ـ !!!!!
ميزو ـ تتجوزيني ؟
سمسمه ـ لا !
ميزو ـ ليه ؟
سمسمه ـ بصراحة كدة شكلك مش عاجبني ..
ميزو ـ إزاي يعني ؟
سمسمه ـ يعني .. أصل أنا ليا مواصفات معينة لفارس أحلامي .
ميزو ـ مواصفات معينة ؟ .. هو انتي هتتجوزي عربية ؟
سمسمه ـ لا ! .. بصراحة كدة .. إنت مش فارس أحلامي اللي باتمناه !
*****
ميزو ـ تتجوزيني ؟
سمسمه ـ إيه ده ؟ شكلك اتغير !
ميزو ـ إيه رأيك ؟
سمسمه ـ واو .. شعرك بقة ناعم ! .. دي باروكة ؟
ميزو ـ أيوة
سمسمه ـ ودي عدسات خضراء ؟
ميزو ـ أيوة
سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
ميزو ـ مين عباس كيج ده ؟
سمسمه ـ عباس ؟!! ياي .. إيه عباس دي ؟ اسمه نيكولاس ..
ميزو ـ مين نيكولاس ده ؟
سمسمه ـ بقة مالكشي في السيما وجاي تكلمني ؟ .. ياي !
*****
ميزو ـ تتجوزيني ؟
سمسمه ـ انت لسة ليك عين تكلمني ؟
ميزو ـ أيوة .. أنا عرفت مين بنكرياس كيج ده
سمسمه ـ أولاً : اسمه نيكولاس كيج ..
ميزو ـ أيوة أيوة .. كنت هاقول اسمه صح .. بس اختصرته .. ده ممثل
سمسمه ـ ممثل إيه ؟
ميزو ـ ممثل أمريكاوي
سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش
دونكي
ميزو ـ دونكي دي تبقى شتيمة ؟
سمسمه ـ أوووف كورس
*****
ميزو ـ تتجوزيني ؟
سمسمه ـ عندك عربية موديل كام ؟
ميزو ـ موديل دي تبقى شتيمة ؟
*****
ميزو ـ تتجوزيني ؟
سمسمه ـ قوللي الأول .. حاطط أنهي نغمة في الموبايل بتاعك ؟
ميزو ـ نغمة دي تبقى شتيمة ؟
*****
ميزو ـ تتجوزيني ؟
سمسمه ـ ما قلتليش .. إنت بتشتغل إيه ؟
ميزو ـ أنا -بلا فخر- عاطل
سمسمه ـ عاطل ؟ .. ياي ! ..
ميزو ـ مش أحسن من اللي ما بيشتغلش ؟
سمسمه ـ لا
ميزو ـ يعني مش هتتجوزيني ؟
سمسمه ـ لا يا ميزو
ميزو ـ كدة أنا أزعل
سمسمه ـ ما تزعلش يا بابا .. خليك فريش
ميزو ـ ماشي .. ماشي .. بس قوليلي ..
سمسمه ـ إيه ؟
ميزو ـ فريش دي تبقى شتيمة ؟
*****
ميزو ـ تتجوزيني ؟
سمسمه ـ لقيت شغل ؟
ميزو ـ أيوة طبعًا .. سنتين وأنا بادور .. أخيرًا لقيت ..
سمسمه ـ وإيه هو ؟
ميزو ـ سواق تاكسي .
سمسمه ـ ياي ! .. مش مكسوف وانت بتقولها ؟
ميزو ـ فيها إيه ؟ العمل شرف .. وكلها كام سنة وأجمع مبلغ كويس ..
سمسمه ـ شرف ؟ جتك القرف !
*****
ميزو ـ تتجوزيني ؟
سمسمه ـ جمعت مبلغ كويس ؟
ميزو ـ طبعًا .. مبلغ كبير جدًا ..
سمسمه ـ قد إيه يعني ؟
ميزو ـ ألف جنيه
سمسمه ـ نعم ؟!!! .. ألف جنيه دول تروح تسرح بيهم ببطاطا ..
ميزو ـ يعني موافقة ؟
سمسمه ـ روح اتنيل .
*****
ميزوـ تتجوزيني ؟
سمسمه ـ عندك شقة ؟
ميزو ـ طبعًا .. أوضة على السطوح ..
سمسمه ـ نعم ؟!! ..
ميزو ـ إيه المشكلة ؟! .. أحسن ما ننام في الشارع !
سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ميزو ـ طيب .. كلها كام سنة وأجيبلك أحسن شقة في الدنيا .
سمسمه ـ وهتجيبها في جاردن سيتي ولا في الزمالك ؟
ميزو ـ لا .. في الأهلي .. هيهع هيهع هيهع !
*****
( بعد سنوات) :
ميزو ـ تتجوزيني ؟
سمسمه ـ جبت الشقة ؟
ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
لسبع سنوات .. لكن المهم إنها جات ..
سمسمه ـ فانتاستيك
ميزو ـ بس الشقة ناقصة حاجة .
سمسمه ـ إيه هي ؟
ميزو ـ مفيهاش حمام !
سمسمه ـ امشي من قدامي ! .. مش طايقاك !
*****
ميزو ـ تتجوزيني ؟
سمسمه ـ إنت تاني ؟
ميزو ـ جبتلك حمّام إنما إيه
سمسمه ـ خليه ينفعك
ميزو ـ ليه بس ؟ .. ده ينفع لينا احنا الاتنين
سمسمه ـ وأنا مالي ؟
ميزو ـ مش عاجبك .. مش مشكلة .. أكتبه باسمك
*****
(بعد سنين) ..
ميزو ـ هتتجوزيني ولا أولع فيكي ؟
سمسمه ـ ومالك محروق كدة ؟
ميزو ـ حكايتنا طولت قوي .. طولت أكتر من اللازم
سمسمه ـ أوكي .. بس ممكن أعرف حاجة ؟
ميزو ـ إيه ؟
سمسمه ـ إنت ليه متمسك بيا أوي كدة يا مزمز ؟
ميزو ـ أصل .. أصل ..
سمسمه ـ أصل إيه ؟
ميزو ـ أصل أنا بحُبك (بضم الحاء) !
سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..
وبعدين خليك روش وقول : I love you
ميزو ـ ماشي .. بس قوليلي ..
سمسمه ـ نعم ؟
ميزو ـ روش دي تبقى شتيمة ؟
*****
ميزو ـ تتجوزيني ؟
سمسمه ـ بصراحة .. في حاجة كنت عاوزة أقولهالك من زمااااااان يا ميزو .
ميزو ـ إيه ؟
سمسمه ـ أنا بصراحة .. مش شايفة إن في حد في العالم يستاهلني
ميزو ـ يا سلام ! .. ليه ؟
سمسمه ـ عشان أنا جميلة .. خفيفة الدم .. رشيقة .. رقيقة ..
ميزو ـ رقيقة ؟! .. ده انت بدأتي تقشفي
سمسمه ـ فشر !
ميزو ـ فوقي لنفسك .. العمر بيجري ..
سمسمه ـ أنا مصرة على رأيي
ميزو ـ يعني إيه ؟
سمسمه ـ يعني اقطع معايا
ميزو ـ بعد كل السنين دي ؟! .. بعد كل الحب ده ؟!!
سمسمه ـ بلاش تراجيديا من فضلك
ميزو ـ ماشي .. بس قبل ما أمشي عاوز أسألك سؤال واحد بس ..
سمسمه ـ إيه هو ؟
ميزو ـ تراجيديا دي تبقى شتيمة ؟
*****
( بعد سنوات ) ..
ميزو ـ تتجوشيني ؟
سمسمه ـ إيه ؟
ميزو ـ تتجوشييينييييييي ؟
سمسمه ـ إنت مين ؟
ميزو ـ أنا حبيبك يا هبلة .. البشي النضارة عشان تشوفيني
سمسمه ـ طيب شاعدني عشان ألاقي النضارة
ميزو ـ آهي على الترابيزة قدامك
سمسمه ـ فين ؟!!
ميزو ـ لا دي نظارتي أنا
سمسمه ـ أيوة لقيتها ..
ميزو ـ البشيها بقة
سمسمه ـ ططييبب
ميزو ـ عينيكي فوق شوية يا سماسم .. ده بقك ..
سمسمه ـ طيب لبشهالي إنت
ميزو ـ عقبال ما البشك الدبلة
سمسمه ـ ما تكشفنيش يا ميشو بقي .. كنت بتقول إيه بقى ؟
ميزو ـ كنت بقول تتجوشششيييينيييييي ؟
سمسمه ـ أكوشك ؟ .. إزاي ؟
ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
سمسمه ـ دي شتيمة ؟
ميزو لاااااء .. بقولك تتجوشيني ؟
سمسمه ـ آه !! .. أجوشك
ميزو ـ بالضااااابط .. هاه ؟
سمسمه ـ شيبني أفكر
ميزو ـ أشيبك تفكري ؟! .. ده انت هتموتي خلاش !
سمسمه ـ لا .. شيبني أفكر بش
ميزو ـ ربنا يوفقك
سمسمه ـ إيه ؟
ميزو ـ ربنا يوفقك
سمسمه ـ بتقول إيه ؟
ميزو ـ ربنا ياخدك
*****
(على فراش الموت) :
ميزو ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
تتكوشـ .. كوح كوح .. يني ؟
سمسمه ـ مش شامعة
ميزو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
سمسمه ـ أجوش مين ؟!!!
ميزو ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
سمسمه ـ إيه ؟ ..
ميزو ـ لا .. كوح .. أبدًا .. كوح .. كنت … كح كح .. بأكح
سمسمه ـ كنت بتكح ؟!!!! .. شلامتك .. ما قلتليش ليه ؟
ميزو ـ هو .. كوح .. إنتي .. لشة .. عارفـ .. ـة .. كوح كوح
سمسمه ـ بتقول إيه ؟
ميزو ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟
سمسمه ـ أجوشك ؟!! .. طب بش خد الدوا الأول
ميزو ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
سمسمه ـ أيوة يا حاج .. موافقة .. موافقة إنك تتكوشني ..
ميزو ـ أخيـ….كوح كوح ..راااااً !! .. كوح كوح .. كدة أموت .. كوح ..
كوح .. وأنا .. كوح .. مطمئن ومرتاح .. الودااا .. كوح ..ع ع ع ع
سمسمه ـ يا حاج .. يا حاج ..

اتمنى ان تكون عجبتكم

3essaaaaaaam
[/size]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملك روحي
عضو نشيط
عضو نشيط
avatar

انثى
عدد الرسائل : 96
العمر : 30
الوظيفه : engineer
تاريخ التسجيل : 11/11/2007

مُساهمةموضوع: رد: حكاية ميزو وسمسمة .... بجد تفطس من الضحك   الإثنين يناير 21, 2008 1:08 am

ههههههههههههههههههههههههههههههههههههههههههههههههههههههههههههه

:lol: :lol: :lol: :lol:

روعة بجد يا عصام...............وخصوصا اخر مقطع .............

كويس انها وافقت علي اخر نفس :lol:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dolly
عضو مجتهد
عضو مجتهد
avatar

انثى
عدد الرسائل : 284
العمر : 29
الوظيفه : student
تاريخ التسجيل : 14/10/2007

مُساهمةموضوع: رد: حكاية ميزو وسمسمة .... بجد تفطس من الضحك   الخميس يناير 24, 2008 1:25 am

يانهاااااااااااااااار ابيض
يخربيت الجواز بالشكل ده
يابنى هما من الاول كانوا يرحوا يموتوا ويخلصونا بلا نيله
ميرسى ياعصام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سما
Admin
avatar

انثى
عدد الرسائل : 1608
العمر : 30
الوظيفه : طالبه
تاريخ التسجيل : 05/10/2007

مُساهمةموضوع: رد: حكاية ميزو وسمسمة .... بجد تفطس من الضحك   الخميس يناير 24, 2008 2:21 pm

هههههههههههههههههههههههههه
انا قرات الاسم اول مره
ودورت عليها تانى مش لقيتها
هههههههههههههههه
شكا يا صاصا ربنا يخليك

سلاموزاااااااا

_________________
اوعى تفرح لو قالولك كلمه حلوه من النهاردا يا قلبى لازم تبقا اقوى

ليس معنى وجودى فى المنتدى انى فاتحه الميل منعا للزعل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlmna.ahlamontada.com
3essam
عضو مجتهد
عضو مجتهد
avatar

ذكر
عدد الرسائل : 581
العمر : 29
الوظيفه : mosh shart te3raf
تاريخ التسجيل : 18/10/2007

مُساهمةموضوع: رد: حكاية ميزو وسمسمة .... بجد تفطس من الضحك   السبت يناير 26, 2008 5:17 am

ميرسى جدا يا احلى اعضاء على الردود الجامده دى
وخصوصا كل اللى رد لغايه الوقتى بتوع حاسبات ونعم الناس

ههههههههههه

3essaaaam
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
alamor
عضو متميز
عضو متميز
avatar

ذكر
عدد الرسائل : 1944
العمر : 38
الوظيفه : حاصل علي بكالريوس تربيه
تاريخ التسجيل : 07/10/2007

مُساهمةموضوع: رد: حكاية ميزو وسمسمة .... بجد تفطس من الضحك   السبت يناير 26, 2008 6:59 pm

شكرا ياعصام علي الموضع الجميل دا
يلا سلام
محمد حسين
ــــــــــــــــــــــــــــــ
لو العمر بايدي هفضل اعيشه معاك
اعيش واموت في حبك وفي هواك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
baasel2
عضو نشيط
عضو نشيط
avatar

ذكر
عدد الرسائل : 133
العمر : 38
الوظيفه : متخصص في الإرشاد الأسري والاجتماعي في فلسطين
تاريخ التسجيل : 19/11/2007

مُساهمةموضوع: رد: حكاية ميزو وسمسمة .... بجد تفطس من الضحك   السبت يناير 26, 2008 7:32 pm

لك جزيل الشكر .
بجد يا عصام أفكارك حلوه
وموضوعك مثير وجميل
دي شهادة مش من الحواسيب
هاي شهادة من المختصين الاجتماعيين والنفسيين
ربنا يوفقك

.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
3essam
عضو مجتهد
عضو مجتهد
avatar

ذكر
عدد الرسائل : 581
العمر : 29
الوظيفه : mosh shart te3raf
تاريخ التسجيل : 18/10/2007

مُساهمةموضوع: رد: حكاية ميزو وسمسمة .... بجد تفطس من الضحك   الإثنين فبراير 04, 2008 1:18 am

شكرا جدا ليك ياباسل
ومنور مواضيعى ويارب تكون عجبك الموضوع


3essaaaaaaaaaam
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احزان العمر
عضو فعال
عضو فعال
avatar

ذكر
عدد الرسائل : 685
العمر : 41
الوظيفه : فنى
تاريخ التسجيل : 30/12/2007

مُساهمةموضوع: رد: حكاية ميزو وسمسمة .... بجد تفطس من الضحك   الأربعاء فبراير 06, 2008 10:40 pm

هههههههههههههههههه
الجواز بهدله
هههههههههههههههههههههههههههههههههه تحفه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حكاية ميزو وسمسمة .... بجد تفطس من الضحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلامنا :: اقسام الضحك والفرفشه :: قسم الضحك والنكت-
انتقل الى: