العريس بلاها فرح ......... ابو العروسه بلاها عروسه روح

العريس بلاها فرح ......... ابو العروسه بلاها عروسه روح 30

العريس بلاها فرح ......... ابو العروسه بلاها عروسه روح 63

دلوقتى الجواز بقى غالى اوى و فى بعض الاماكن بيبالغوا فى الهدايا بين اهل العروسة و العريس
و كلنا عارفين دا
يعنى لو بصينا شوية للحاجات الغير اساسية و الى العرف السائد خلاها اساسية
زى (قيمة الشبكة ....تكاليف خطوبة مبالغ فيها ......تكاليف زفاف مبالغ فيها ....و غيرها كتير لو عدينا مش حنخلص)
حوضح اكتر بالمثل دا
كنت عند ناس فى الصعيد زيارة و دخلت بيتهم و كان الموضوع عن التكاليف دى فلقيت من العادات و التقاليد السائدة عندهم ان العريس يجيب شبكة دهب ثمنها بيتراوح حسب مستوى كل اسرة و طبعا فى كل الاحوال ممكن يستلفوا علشان يتمنظروا بيها ...فبالتالى لازم اهل العروسة يعملوا رد شبكة يعنى يجيبوا بثمن الشبكة دى اكلو بكميات كبيرة و كمان يدبحوا حولى مثلا و 3/4 الاكل دا غالبا بيترمى او بيتشحت لانه بيبوظ طبعا
متمالكتش نفسى و فى وسط الرجالة الى قاعدة دى كلها قلتلهم طب ليه متجيبوش الفلوس الى حيدفعها ابو العريس فى الشبكة و الفلوس الى حيدفعها ابو العروسة فى رد الشبكة و تفتحوا بيها مشروع صغير فى القرية و يكون باسم العروسة و العريس معا
و على فكرة الموضوع دا سهل اوى فى القرى غير المدن..المدن غالبا اى حاجة بتتعمل فيها بتفشل)
كله سكت شوية و زى ميكون الكبرياء رجع دب فى عروقهم من تانى و رد على واحد منهم (دى عادات اتعودنا عليها و لازم تتعمل..ووحنا مروحين قريبى الى كنت رايح معاه قلى معاك حق بس مين ينفذ)
صح فيها ايه لو نستغنى عن الحاجات دى او نجيبها رمزية و الفلوس الى حتتوفر ممكن نعمل بيها حاجات كتير تنفع العروسين
=ممكن مشروع فعلا لان المبلغ المتوفر مش قليل
=او اضعف الايمان يحطوا الفلوس فى بنوك اسلامية اهه حينفعوا للزمن مثلا
ايه رايكم فى الموضوع دا
انا ليه اختى و زوجها بدل ميعملوا فرح عملوه فى جامع كان تكلفته كله ايامها (من حوالى 5 سنين)
100 جنيه بس و كان على يدى الموضوع دا و اخدوا الفلوس الى كانت معمولة للفرح (و ككان الاتفاق ان العروسة تشيل نصفه و العريس يشيل نصفه)
وراحوا بيها رحلة الاقصر و اسوان على مركب بالنيل4 ايام
2/ صديقى اللدود اعز اصدقائى يعنى لما حكتلةا الموضوع دا عمل حاجة احسن من كدة و على فكرة هو لسة متجوز قبل رمضان الى فات دا بحوالى 3 اسابيع
عمل ايه لما جه يتقدم لخاطبته قالهم اجيب شبكة متواضعة و نعمل خطوبة على الضيق اوى يعنى الاسرتين و خلاص و الفرح و كتب الكتاب فى الجامع يعنى اقل التكاليف
بس يروح عمرة رمضان هو و مراته العشرة الاواخر طيران بالفلوس الى اتوفرة برده (و كان الاتفاق على مقاسمة الخطوبة و الفرح بالنصف)
و نفذ فعلا الكلام دا بعد موافقة اهل العروس و كهدية للعروسة بعد كدة اشترك بباقى المبلغ فى نادى من النوادى الجديدة بالاسكندرية
ايه رايكم
انا عن نفسى نفسى انفذ موضوع عمرة رمضان دى بدل الفرح

و بكدة بدلنا 3 ساعات او اكثر قليلا بحاجة حتنفع العروسين او حتى بذكرى جميلة ممكن تبقى معاهم طول العمر
و كدة كدة الفرحة فى القلب مش فى الى بيحصل فى صالات الافراح اليومين دول
معلش طولت بس اترك لكم فرصة للنقاش
منقول

فكرة جميله وعن نفسي كنت حنفذها لما قربت اتجوز بس ما حصلش نصيب ياريت الشباب ياخد الفكرة وينفذها شكرا على فكرة الموضوع يا قمر المنتدىzekryat77[list][*]

شكرا ياعمرو
وان شاء الله تنفذها ونسمع خبر حلو قريب
سلاموزا
____

شكرا ياسما علي الفكره دي بس ياخساره الناس مش بتقتنع بدا بتقول عايزين نفرح وخاصه الام وموضوع العمره دا يبقا يعملها بعد الجواز مالناش دعوه المهم نفرح ونعمل فرح زي الي سما عملته فاكرين دي كانت سد الشارع لاء انا هاسد الشارعين الاتين فالناس بتعاند بعضها وياريت في الصح يارب فعلا الفكره دي تتحقق وكله بثوابه واكيد شئ جميل وبصمه جميله
مرسي ياسما ويارب اكتبها لينا وللناس كلها
يلاسلام
محمد حسين

هههههههههههه سما مين يابنى
انا لسه زى منا معملتش حاجه
عقبالك انت الاول

شكرا يامحمد على مرورك
وسلاااااااااااام
_________

شكراياسما علي ردك الجميل دا وعقبالنا يارب والناس كلها تفرح
مرسي ياجميل
ربنا يوفقك
يلا سلام
محمد حسين

» حكايتى مع العريس ....؟؟؟